Юсавсăр оборудовани — пушар сăлтавĕ

Çулталăк пуçланнăранпа республикăра 10157 пушар регистрациленĕ, вĕсенче 219 çын вилнĕ, çав шутра сакăр ача.

Ытларах чухне пушар сăлтавĕ электричество оборудованипе усă курмалли правилăсене пăсни пулать.

Пушкăртстан Республикин чрезвычайлă лару-тăру тĕлĕшпе ĕçлекен Патшалăх комитечĕ пушарсенчен сыхланас тесе республикăра пурăнакансене электрооборудованипе тата электричество приборĕсемпе усă курна чух пушар хăрушсăрлăхĕн правилисене пăхăнма хушать:

- провочĕсем юсавсăр вилкăллă электроприборсемпе усă курма юрамасть;

- электричество лампочкисене тата электричествăпа ăшăнакан приборсене çунакан материалпа витме юрамасть;

- электричествăпа ăшăнакан приборсене çунакан япаласемпе юнашар (шторăсем, сĕтел-пукан, тумтир) лартма юрамасть;

- килтен вăраха тухса кайсан, электричество приборĕсене хускатса хăварма юрамасть;

- ĕçлекен электроприборсене шыв ăшне пăрахма юрамасть, нÿрлĕ, шыв каякан пÿлĕмсенче ĕçлеттерме юрамасть;

- электричество сечĕсене ытлашши нумай прибор пĕр вăхăтра чикме юрамасть;

- электроприборсене сетьрен кăларнă чухне проводран туртмалла мар, розеткăна алăпа тытарах тăрса вилкăна кăлармалла;

- электропроводкăсене куллен пăхса, юсаса тăмалла.

Правилăсене çирĕп пăхăнни сирĕн пурлăха тата пурнăçа сыхласа хăварма май парать.

Пушар тухнă хушăра 112 номерпе шăнкăравламалла.

Пушкăртстан Республикин чрезвычайлă лару-тăру тĕлĕшпе ĕçлекен Патшалăх комитечĕн материалĕсем тăрăх.

Читайте нас: