Пушкӑртстанра пӗлтерӳ системисене массӑллӑ тӗрӗслӗҫ

Пушкӑртстанра ноябрӗн 23-мӗшӗнчен пуҫласа 25-мӗшӗччен сиренӑсене тӗрӗслĕç , пӗлтерет ПР патшалӑх чрезвычайлӑ лару-тӑрăвĕн комитечӗ.
Халӑха чрезвычайлӑ лару-тӑру ҫинчен пӗлтерни кирлӗ хӑрушсӑрлӑх мери пулса тӑрать, ҫакӑ вара ҫынсене пӗр-пӗр аварие е сиенлӗ витӗм кӳнине пула сиенленесрен хӳтӗлеме май парать.
Ноябрӗн 23-мӗшӗнчен пуҫласа 25-мӗшӗччен республикӑра пурӑнакансем "Пурне те тимлӗх" сигналне илтӗҫ. Вӑл ЧС экстренный пӗлтерĕвĕсене пама тата хӑрушă тапхăр пуласран асăрхаттарать. Анчах та ноябрӗн 23, 24 тата 25-мӗшӗсенче тӗрӗслемелли сигнал парĕç. Ӑна илтсен хӑрама кирлӗ мар.
Ноябрӗн 23-мӗшӗнчен пуҫласа 25-мӗшӗччен ҫӗрле телевизор тата радиовещани каналӗсене тивекен техника тӗрӗслевӗ ирттерӗҫ.
"МГ" информацийĕпе.