Ҫулталăк пуҫламӑшӗнчен Пушкӑртстанра 17 ҫын кӑмпапа наркӑмӑшланнӑ

2022 ҫул пуҫланнӑранпа Пушкӑртстанри 17 ҫын кӑмпапа наркӑмӑшланнӑ, пӗлтернӗ ПР Роспотребнадзор.
Ведомство пӗлтернӗ тӑрӑх, 7 уйӑхра ҫакӑн пек 15 тӗслӗх пулса иртнĕ. Инкеке лекнисенчен пӗри ҫул ҫитмен ача.
"Кӑмпапа наркӑмӑшланнин тӗп сӑлтавӗ — ҫиекен тата наркӑмӑшлӑ кӑмпасене уйӑрса илме пӗлменни, ҫимелли тата ҫимелли мар кӑмпасенчен тӗрӗс мар апат пӗҫерни. Ҫавӑн пекех наркӑмӑшланнин сӑлтавӗ тӗрӗс мар хатӗрленӗ е пӑсӑлнӑ типӗтнӗ, консервланӑ кӑмпа пулма пултарать. Цинк савӑтӗнче кӑмпана маринадлама е тӑварлама юрамасть", - тесе палӑртнӑ ПР Роспотребнадзорĕнче.
"Башинформ" информацийĕпе.