Пушкӑртстан территорийӗнче октябрӗн 1-мӗшӗнчен пушара хирӗҫле уйрӑм йӗркене пӑрахӑҫланӑ

Пушкӑрт территорийӗнче пушара хирӗҫле уйрӑм режима пӑрахӑҫланӑ. Кун ҫинчен октябрӗн 3-мӗшӗнче ПР Правительствин оперативлӑ канашлӑвӗнче ЧС патшалӑх комитечӗн председателӗ Фарит Гумеров пӗлтернӗ.
"Иртнӗ эрнере вӑрман пушарӗсене регистрацилемен. Вӑрман пушарӗсемпе ҫыхӑннӑ лару-тӑрӑва стабилизациленипе, кӑҫалхи октябрӗн 1-мӗшӗнчен пуҫласа Пушкӑрт территорийӗнче пушара хирӗҫле уйрӑм режима пӑрахӑҫланӑ. Республикӑри вӑрман фончӗн территорийӗнче ҫак йӗркене октябрӗн 10-мӗшӗнчен пуҫласа улӑштарма палӑртнӑ", - ӑнлантарнӑ Фарит Гумеров.
"Башинформ" информацийĕпе.
Сăнӳкерчӗкĕ: Ксения Калинина.