Пушкӑртстан Пуҫлӑхӗ: "Тӑшман фейк информацине малалла сарса пыма кирек хӑш шӑтӑкпа та усӑ курать"

Февралӗн 1-мӗшӗнче республика çуртӗнче Пушкӑртстан Пуҫлӑхӗ Радий Хабиров регионти терроризма хирĕçле комиссийӗн черетлӗ ларӑвне ирттернӗ. Кун йӗркинче регионти йӗркепе хӑрушсӑрлӑха тивӗҫтересси ҫине витӗм кӳрекен социаллӑ пурнӑҫпа экономика факторӗсене мониторинг ыйтӑвӗсем, ҫавӑн пекех Донбасс, Запорожье тата Херсон облаҫӗсенчен Пушкӑртстана пурӑнма килнӗ ҫынсемпе информаци ӗҫӗсем тӑраҫҫӗ.
"Идеологи, информаци фрончӗ — паян чи пӗлтерӗшлисенчен пӗри. Тӑшмансем хӑйсен пропагандине тытса пыма, тӑшманла фейк информацие малалла сарса пыма кирек мӗнле шӑтӑксемпе те усӑ кураҫҫӗ, уйрӑмах ҫамрӑксем хушшинче, - тенӗ ПР Пуҫлӑхӗ Радий Хабиров. — Теветкеллӗхе шута илмелле, профилактика планӗнче тӗплӗн шутласа йышӑннӑ решенисене йышӑнмалла, асӑрхаттару ӗҫне тумалла".
Ларӑва хутшӑнакансем 2023 ҫулта пӗрле ӗҫлемелли тӗп задачӑсене пӑхса тухнӑ. Вӗсен шутӗнче - социаллӑ тата инфратытӑм объекчӗсене террористла хӳтӗлессине, терроризм идеологине хирӗҫлессине, профилактика тӑвассине тата нацисем хушшинчи тата конфесси хушшинчи хирӗҫӳсенчен асӑрхаттарассине, ҫамрӑксен хушшинче гражданла позицие йӗркелессине тӑтӑшах тишкерсе тухни.
https://www.bashinform.ru/news/social/2023-02-01/glava-bashkirii-protivniki-ispolzuyut-lyubye-lazeyki-chtoby-prodvigat-feykovuyu-informatsiyu-3126326

Сăнÿкерчĕкĕ: ПР Пуҫлӑхӗн сайчӗ.