Радий Хабиров Пушкӑртстан пушар сезонне хатӗрри ҫинчен пӗлтернӗ

Пушкӑртстан Пуҫлӑхӗ Радий Хабиров вӑрман хуҫалӑхӗн Федераци агентствин ертӳҫипе Иван Советниковпа тӗл пулнӑ хыҫҫӑн журналистсен ыйтӑвӗсем ҫине ответленӗ. Пулас пушар сезонне хатӗрленес ыйтӑва сӳтсе явнӑ май вӑл 2021 ҫул вӑрман пушарӗсем тӑрӑх урок ирттернине палӑртнă, ун чухне нумай муниципалитетсенче апрельтен пуҫласа сентябрьччен пӗр ҫумӑр та ҫуман.

"Ку питӗ хӑрушӑ сезон пулнӑ. 2022 ҫул ун пек пулман. Анчах чи кирли – 2021 ҫул пире пурне те лайӑх урок вӗрентрӗ, эпир питӗ вӑйлӑ страхлама тытӑнтӑмӑр, техникӑна та туянтӑмӑр. Организациллӗ мероприятисем ирттертӗмӗр, 2022 ҫула эпир чӑнласах кӗтсе илтӗмӗр. Кӑҫал пирӗн техникӑпа ҫынсем пурте хатӗр. Республикӑра "Лесохранитель" система тата видео сӑнав системи ӗҫлет, вӑл пире пушар пуҫланнине малтанах пӗлтерсе тӑрать. Эпӗ тӗп-тӗрӗс калама пултаратӑп: республика ҫуркуннепе ҫуллахи тапхӑра, пушар хӑрушсӑрлӑх тапхӑрне хатӗр", - тенӗ Радий Хабиров.

Регион ертӳҫи Рослесхозпа тухӑҫлӑ ҫыхӑнса ӗҫленине те палӑртнӑ.

"Ку, паллах, пирӗн партнер. Агентство наци проекчӗсене пурнӑҫлани ҫине витӗмлӗ пӑхнине эпир питӗ тав тӑватпӑр. Нацпроект тӑрӑх эпир техника сферинче самаях пысӑк пулӑшу илетпӗр, вӑрман сӑтӑрҫисемпе кӗрешес тӗлӗшпе питӗ тав тӑватпӑр. Пӗрлехи ӗҫе лайӑх йӗркеленин тӗслӗхӗсенчен пӗри пек туйӑнать мана", - тенӗ Радий Хабиров.

https://www.bashinform.ru/news/economy/2023-03-02/radiy-habirov-zayavil-o-gotovnosti-bashkirii-k-predstoyaschemu-pozharoopasnomu-sezonu-3163268

Сăнÿкерчĕкĕ: ПР Пуҫлӑхӗн пресс-служби.