Пурнӑҫ хӑрушсӑрлӑхӗпе пушарсен профилактикипе калаҫу ирттернĕ

Ача-пӑча площадкин улттӑмӗш кунӗ Ситекпуçĕнчи ял библиотекинче иртнӗ — ачасемпе пурнӑҫ хӑрушсӑрлӑхӗпе пушарсен профилактикипе калаҫу ирттернĕ. Инна Владимировна Никифорова пушар хӑрушсӑрлӑхӗн правилисем ҫинчен каласа панă: вутта мӗнпе сӳнтерме, пушар сӳнтерекенсене телефонпа мӗнле чĕнме май пурри ҫинчен, пушар вӑхӑтӗнче хӑвна мӗнле тытмалли ҫинчен. Ачасем ыйтусене хуравланă, хӑйсем ыйтусем панă, паллă темӑпа панӑ картинӑсене илемлетнĕ.

Мероприяти вĕçĕнче ачасем валли вӑйӑ программи ирттернӗ. Тӗрлӗ конкурса хутшӑнса хӑйсен вӑйне, тавҫӑрулӑхне, хӑвӑртлӑхне, пултарулăхне кӑтартнӑ, чунтан савӑннӑ.

#БиблиотекаДосуг
#ЛетоКнига

Сăнÿкерчĕкĕсем: Ситекпуçĕнчи библиотекăн социаллă сетьри страницинчен.

https://vk.com/club202344480