Вут-çулăм - этемĕн тусĕ тата тӑшманӗ

Вут-çулăм вӑл - ҫутҫанталӑкӑн пысӑк хӑвачӗ, унпа этем хӑй пурнӑҫӗ пуçланнă чухнех паллашнӑ. Вут-ҫулӑм ҫынна ӑшӑ, ҫутӑ панӑ, тискер кайӑксенчен хӳтӗленӗ, унпа апат-ҫимӗҫ хатӗрлеме, ӗҫ хатĕрĕсем тума усӑ курнӑ. Вут-ҫулӑма пула этемлӗх космоса вĕçнĕ. Ҫынсем вут тупма тата упрама вӗреннӗ. Ҫапах та, ҫын тӗрӗслевӗнчен тухсан, вӑл хӑрушӑ инкек – пушар пулса тӑрать. Пушартан хӑтӑлас тесен, ӑна систермелле, вут мӗнле майпа ирӗке тухнине пӗлмелле. Сӑлтавӗ мӗнре вара? Пушар тухсан мӗн тумалла? Калинин ял советĕнче Усак-Кичури вăтам шкулта çамрӑксемпе ӗҫлекен специалист А.Д. Зиганшина пушар хӑрушсӑрлӑхӗн профилактикипе "Вут-çулăм - этемĕн тусĕ тата тӑшманӗ" класс сехечĕ ирттернӗ.
Ачасем занятире хастар та ӗҫлеме пултаруллӑ пулнӑ. Вӗсем "Пушар хӑрушсӑрлӑхӗ" кроссворд тупсӑмĕсене хаваслансах тавҫӑрса илнӗ.

Мероприяти вӗҫӗнче пурте пĕтĕмлетÿ тунă, пушартан сыхланмалли тӗп меслет - унӑн сӑлтавӗ ху пулас марччĕ. Пушар хӑрушсӑрлӑхӗн правилисене пӑхӑнни сывлӑхпа пурнӑҫа упрама пулӑшӗ.
#БижбулякскийРайон
#СоциальнаяАктивность

Сăнÿкерчĕкĕсем: Пишпÿлекри çамрăксен "Вектор" центрĕн социаллă сетьри страницинчен.

https://vk.com/club43415916