Пишпÿлекри «Журавушка» ача садĕнче Шăрпăк кунĕ иртнӗ

Пишпÿлекри «Журавушка» ача садĕнче вут-ҫулӑмпа хӑрушсӑр тыткаланмаллине халалланă Шăрпăк кунĕ иртнӗ. Ҫав кун ачасем "Вут-çулăм — тус, вут-çулăм — тӑшман" вӑйӑ вылянă, унта вут хӑҫан усӑллӑ, хӑҫан хӑрушӑ пулнине уйӑрса илме вӗреннӗ. Ачасем хаваслансах сӳтсе явма тата хӑйсен шухӑшӗсене каласа пама хутшăннă.

И.В. Бикметова воспитатель ачасене вут-ҫулӑмпа ҫыхӑннӑ тӗрлӗ лару-тӑрӑва ӳкернĕ илемлӗ ӳкерчӗксене пӑхса тухма сӗннӗ. Ҫакӑ ачасене асӑрхануллӑ пулма тата вутпа выляма юраманнине лайӑхрах ӑнланма пулӑшнă. Ҫавӑн пекех вӗсене ачасен паллӑ писателӗн Корней Чуковскин "Пушар" тата "Кушак ҫурчӗ" хайлавӗсене вуласа панӑ. Ачасем историсене интересленсе итленĕ, геройсем мӗнле йӑнӑшсем тунине, инкекрен мӗнле хӑтӑлма пултарнине сӳтсе явнă.

Ачасем тата "Вутпа ан выля" макета тимлӗ вӗреннӗ, унта хӑрушсӑрлӑхӑн тӗслӗхӗсене кӑтартнӑ. Ҫакӑн пек пӗлӳллӗ ӗҫ ачасене хӑрушсӑрлӑхӑн кирлӗ правилисене астуса юлма пулӑшнă, вӗсене вут-çулăмпа асӑрхануллӑ пулма вӗрентнӗ.

Сăнÿкерчĕкĕсем: Пишпÿлекри «Журавушка» ача сачĕн социаллă сетьри страницинчен.

https://vk.com/public210640710