Çуркуннен те хӑйӗн хӑрушлӑхӗсем пур

Тахҫантанпах кӗтнӗ ҫуркунне ҫитрӗ! Ҫулталӑкӑн илемлӗ вӑхӑчӗ, ҫутҫанталӑк чӗрӗлет, хӗвел ачашшӑн ӑшӑтать, хӗвелӗн ӑшӑ пайӑркисемпе чӗрӗ чун савӑнать. Анчах ҫуркуннен хӑйӗн хӑрушлӑхӗсем те пур.
Пишпÿлекри "Улыбка" ача сачӗн "Затейники" вӑтам ушкӑнӗнче педагогсем "Асӑрханăр, ҫурхи пӑр хӑрушӑ!" темӑпа калаҫу ирттернӗ. Ачасем шӑнса ларнӑ шыв кӳлленчӗкӗсем, ҫурт тӑррисем, ҫулсемпе сукмаксем мӗнле хӑрушлăх пытарни ҫинчен пӗлнĕ. Ачасем шыв хĕрринче хӑйсене мӗнле тытмалли правилӑсене пӗлнӗ, ӳкерчӗксене пӑхса тухнӑ, Т.А. Шорыгинăн "Асамлӑ кураксем" хайлавне вуланӑ.
Ашшӗ-амӑшӗсем те тимлӗхсӗр юлман, вĕсем валли "Ҫуркуннехи хӑрушсӑрлӑх правилисем" консультаци, "Асӑрханăр! Ҫӳхе пӑр!", "Асӑрханăр! Ҫурхи шыв!" темӑсемпе ҫырнӑ буклетсемпе памяткăсем йӗркеленӗ.
Инкек ан пултӑр тесен, ачасем ирттернӗ мероприятисем тӑрӑх хӑрушсӑрлӑх правилисене пӑхӑнмалла тесе пӗтӗмлетÿ тунă.
#деньзаднем
#безопасность
#УлыбкаБижбуляк
Сăнÿкерчĕкĕ: Пишпÿлекри "Улыбка" ача сачӗн социаллă сетьри страницинчен.
https://vk.com/club218299771