Пушкӑртстан ҫыннисен пилотсӑр аппарат курсан мӗн тумалла

Пӗлӗтре пилотсӑр вӗҫекен аппарата асӑрхасан хӑвӑра алӑра тытни, шухӑшласа ӗҫлени пӗлтерӗшлӗ. Сирӗн асӑрханулӑхран, тӗрӗс утӑмсенчен хӑвӑр хӑрушсӑрлӑх кӑна мар, таврари ҫынсен пурнӑҫӗ те килме пултарать. Аяларах асра тытмалли ӗҫсен алгоритмне илсе кӑтартнӑ.

Чи малтан - лӑпкӑ пулӑр. Пăшăрханни лару-тӑрӑва ҫителӗклӗ хаклама кансӗрлет кӑна.

 

Мӗн пулса иртнине видео ҫине ӳкерсе пӑхӑр та ҫийӗнчех 112 номерпе пӗлтерӗр, дрон хӑҫан, ӑҫта тата ӑҫталла вӗҫнине кӑтартӑр.

 

Атакӑн фото тата видеоматериалӗсене интернета вырнаҫтарма пачах юрамасть — ку хӑрушсӑрлӑх службисен ӗҫне сиен кӳме пултарать.

 

Хӑрушлӑх кӑларса тӑратакан зонӑран — аппарат ларнӑ е куҫакан вырӑнтан — халех тухса кайӑр. Ун патне ан пырӑр, ҫывӑхарах пӑхма ан тӑрӑшӑр.

 

Ыттисене хӑрушлӑх ҫинчен систерӗр.

 

Пилотсӑр аппарат пурӑнмалли ҫурта тапӑнать пулсан, пушар чухнехи пекех ӗҫлӗр.

 

Урамра ҫывӑхри ҫуртра пытанма тӑрӑшӑр.

 

Транспортра пулсан — тухӑр та хӑрушсӑр вырӑна ҫул тытӑр.

 

Хваттерте — чӳречесенчен аяккарах тӑрӑр, йӑтмалли стеналлӑ пӳлӗмре урайне ларӑр.

 

Ҫуртра — лифтпа усӑ курмасӑр аялалла анӑр, путвалта е ҫӗр айӗнчи парковка шайӗнче пытанӑр, тесе ҫырать «Электрогазета».

 

Специалистсем палӑртнӑ тӑрӑх: БПЛА тупӑнсан хӑрушӑ вырӑнтан хӑвӑрт тухса 112 номерпе тупнӑ япала пирки пӗлтермелле.

 

 https://mgazeta.com/news/novosti/2025-11-11/chto-delat-zhitelyam-bashkirii-pri-obnaruzhenii-bespilotnika-4461307