Мӗн вӑл декупаж?

Декупаж Вӑтам ӗмӗрсенче пуҫланса кайнӑ. Германире XV ӗмӗр вӗҫӗнче ҫак искусство пирки пӗрремӗш хут асӑннӑ, унта касса кӑларнӑ картинӑсемпе сӗтел-пукансене эрешлесе илемлетме пуҫланӑ. Ҫак техникӑпа кӑсӑкланни XVII ӗмӗрте Европӑра, Китай тата Япони стилӗнчи сӗтел-пукан модӑна пырса кӗрсен, ҫитнӗ. Венецири ӑстаҫӑсем ӑста ӳкерчӗксем касса сӗтел-пукан ҫине ҫыпӑҫтарнӑ, вӗсене хӳтӗлеме 30-40 сийпе лак витнӗ.

Декупажӑн историйӗ  питӗ вӑрӑм. Ҫак техникӑпа кӑсӑкланакан паллӑ ҫынсем хушшинче — Францин королеви Мария Антуанетта, Мадам де Помпадур, Лорд Байрон, Матисс тата Пиккасо.

Халӗ ҫак авалхи техника тӗрлӗ ҫӗршывсенче декорацисем, шлепкесем, патнуссем, елка эрешӗсем, хӗвел сехечӗсем, шкатулкӑсем, савӑт-сапа, упаковкӑсем тата ытти те, ҫавӑн пекех эксклюзивлӑ япаласем, модӑллӑ аксуарсем тунӑ чухне каллех анлӑ сарӑлнӑ.

Декупаж пулӑшнипе чи хӑтсӑр япала та чӑн-чӑн искуссто произведенийӗ пулса тӑма пултарать! Мӗншӗн тесен ҫак техникӑпа усӑ курнӑ чухне тӗлӗнмелле улшӑнусем тума пулать.