Пӗтӗм Раҫҫейри "Çулталӑк çемйи" конкурс номинацийӗнче ҫӗнтернĕ

Пӗтӗм Раҫҫейри "Çулталӑк çемйи" конкурсӑн VII оргкомитечӗ федераци тапхӑрӗн ҫӗнтерӳҫисене пилӗк номинаципе палăртнă: "Нумай ачаллӑ ҫемье", "Ҫамрӑк ҫемье", "Ял ҫемйи", "Ылтӑн ҫемье", "Ҫемье - йăла упракан".
"Ял ҫемйи" номинацире Пушкӑртстанри Татăшлă районĕнчи Кальтяево ялӗнчи Муллаханпа Макки Муллахметовсен çемйи ҫӗнтернӗ. Федераци конкурсӗн тапхӑрне пурӗ 353 ҫемье - регионти тапхӑра ҫӗнтерекенсем хутшӑннӑ.
Конкурс 2016 ҫултанпа иртет. Унӑн организаторӗсем -Раҫҫей Федерацийӗн Халăха ĕҫ тата социаллӑ хӳтлӗх паракан министерстви, Пурнӑҫри йывӑр лару-тӑрура пурӑнакан ачасене пулӑшу паракан фонд, РФ субъекчӗсен ӗҫ тӑвакан власть органӗсем.
"Башинформ" информацийĕпе.
Сăнÿкерчĕкĕ: ПР Ĕç министерстви.