Пушкӑртстанра медицина ӗҫченӗн чи лайӑх скульптурин проектне тума конкурс пуласси ҫинчен пӗлтернӗ

Пушкӑртстанра медицина работникӗн скульптурин лайӑх проектне тума уҫӑ конкурс пуçланӑ. Республикӑри Культура министерствин пресс-служби пӗлтернӗ тӑрӑх, палӑка лартмалли вырӑн клиникӑпа диагностика инфекци центрӗсем ҫумӗнчи территоринче.
Конкурса хутшӑнма професси скульпторӗсене - коллектив йышӗнчи автора та, уйрӑм çынсене те чӗнеҫҫӗ. Конкурса хутшӑнмалли заявкӑсене, проектсене, ӑнлантару запискисене, графика материалӗсене тата сметăпа финанс расчечӗсене 2022 ҫулхи декабрӗн 1-мӗшӗнчен кая юлмасӑр авторсем паллаштараҫҫӗ.
"Башинформ" информацийĕпе