Пушкӑртра медиксен ӗҫне ҫутатма конкурс йӗркеленӗ

Республикӑри сывлӑх сыхлав ӗҫченӗсен профсоюзĕ ПР Сывлӑх сыхлав министерствипе журналистсен Союзӗ пулӑшнипе медиксемпе профсоюз ӗҫне ҫутатма МИХ тата блогерсен хушшинче конкурс йӗркелет.

Конкурса иккӗмӗш хут ирттереҫҫӗ. Унӑн номинацийӗсем: "Васкавлӑ пулӑшу службин ӗҫне лайӑх ҫутатни", "Медиксем-СВО геройĕсем" тата " Аслӑ Отечественнӑй вӑрҫӑра Ҫӗнтерӳ 80 ҫул ҫитнине лайӑх ҫутатни".

Конкурс тапхӑрӗсене медицина професси уявне халалланӑ. Материалсене МИХра 2025 ҫулхи январӗн 10-мӗшӗнчен пуҫласа июнӗн 10-мӗшӗччен пичетлесе кӑлармалла.

— Конкурс тӗллевӗ — обществӑра хисеплекен шурӑ халатлӑ ҫынсем ҫине мӗнле пӑхассине йӗркелесси, вӗсене мораль тӗлӗшӗнчен пулӑшасси. Профорганизаци председателӗсене тата вӗсен ӗҫ прависене хӳтӗлесси, коллективсене пӗрлештересси тата корпораци культурине йӗркелес тӗлӗшпе пысӑк ӗҫ ҫинчен каласа парасси. Медиксем — чӑнах та пирӗн вӑхӑтри геройсем, медиксем-профактивистсем — икӗ хут герой, ку нагрузкӑна вӗсем обществӑлла йӗркесемпе пурнӑҫлаҫҫӗ вӗт, - каласа панă сывлӑх сыхлав ӗҫченӗсен Республикӑри профсоюз председателӗ Рауль Халфин.

https://resbash.ru/news/obshchestvo/2025-02-11/v-bashkirii-ob-yavlen-konkurs-na-luchshee-osveschenie-raboty-medikov-4117062