Çак кĕпепе 1907 çулта качча кайнă

Фестиваль темиçе номинаципе пулать — «Наци стилĕнчи туй» — сцена çинче туй йĕркине кăтартса памалла (коллективпа). Тепри — «Чи лайăх туй номерĕ» — кирек хăш туй йăли-йĕркинчен илнĕ пĕр самантне кăтартмалла. «Телейлĕ кун» — туй кĕписемпе атрибучĕсен выставки.

Халĕ пĕрремĕш тапхăрĕ пырать. Финал Пишпÿлекри Культура керменĕнче иртет.

Ĕнер Ермолкинти культура çуртĕнче ял халăхĕ «туй» тунă. Туй кĕписен, альбомĕсен выставкисем ăнран янă. Шанатăр-и, чаплă туй тумтирĕсем хушшинче 1907 çулта çĕлени тĕп тимлĕхе тивĕç пулнă. Жюри коллектива пăхнă хыççăн чылай ырă сăмахсемпе хавхалантарнă тата асăрхаттарусем тунă. Фестиваль малалла пырать!

Галина ВАРИКОВА.

Владимир СМОЛОВĂН сăнÿкерчĕкĕсем.