Пирĕн патра кичем мар!

Пишпÿлекри Культура керменĕнчи халăх творчествин галерейинче шкул ачисем валли ятарласа экспозици хатĕрленĕ: Каныкайри ăста Светлана Хайруллина тунă пуканесем, Пишпÿлекри Александр Васильевăн йывăç шахмачĕсем, Валерия Егоровапа Ирина Ахметован интерьера илем кĕртекен интереслĕ ĕçĕсем.

Каникул вăхăтĕнче термомозаикăпа мастер-класс марафонне Тамара Демьяновна Гончарова ирттерчĕ. Ачасем шăпах çак техникăпа питĕрех интересленчĕç.

Алена Федорова ачасемпе амăшĕсем валли лентăсемпе тĕрлемелли техникăпа мастар-класс ирттерчĕ.

Пирĕн галерейăра каникул вăхăтĕнче пĕрре те кичем мар. Ырă сунса кĕтетпĕр!

Римма АНДРЕЕВА,

халăх творчествин галерейин заведующийĕ.

Сăнÿкерчĕкĕсем: Римма АНДРЕЕВА.