Анастасия Иванова — конкурс çĕнтерÿçи

Чăваш эстрада юррисене юрлакан çамрăксен Регионсем хушшинчи «Шăпчăк сасси» конкурс пилĕк чĕлхепе Пишпÿлек район гимнне юрланипе уçăлчĕ. Конкурса район администраци пуçлăхĕн социаллă ыйтусемпе тата кадр тĕлĕшпе ĕçлекен çумĕ Артур Зарипов уçрĕ. Вăл район администраци ятĕнчен пурне те саламларĕ тата ăнăçу сунчĕ.

Конкурса Ермекей, Белебей, Давлекан, Шаран, Мияки, Фёдоровка, Пишпÿлек районĕсенчен, Стерлитамакран, Тутарстанран, Чăваш Енрен килнĕ 20 ытла çамрăк юрăçă хутшăнчĕ.

Юрăçсен ăсталăхне Чăваш Республикин тава тивĕçлĕ артисчĕ, композитор, юрăç тата артист Михаил Павлович Федоров, «Шăпчăк сасси-2001» конкурс лауреачĕ, юрăçă, композитор, аранжировщик, «Шапчак сасси» гимн кĕввин автор Павел Валериевич Яковлев; «Кĕмĕл сасă-2015» Пĕтĕм чăваш эстрада юррин конкурсĕн лауреачĕ, «И не только балалайка» Пĕтĕм Раççей конкурсĕн çĕнтерÿçи, Миляуша Муртазина ячĕллĕ Пĕтĕм Раççей юрăçисен I лауреачĕ Екатерина Ивановна Емельянова, «Центр развития культуры и спорта «Фаворит» АНО директорĕ, продюсер Алексей Витальевич Васильев хак пачĕç.

«Шăпчăк сасси-2020» конкурс дипломанчĕсем:

Диана Илларионова — Пишпÿлек районĕ, 1 степень Дипломанчĕ;

Мария Черникова — Тутарстан Республики, 2 степень Дипломанчĕ;

Вячеслав Григорьев — Пишпÿлек районĕ, 3 степень Дипломанчĕ.

Чăваш эстрада юррисене юрлакан çамрăксен Регионсем хушшинчи «Шăпчăк сасси» конкурсăн Гран-прине Анастасия Иванова (Пишпÿлек районĕ) çĕнсе илчĕ.

Конкурс, паллах, çĕнĕ ятсем уçрĕ. Çамрăк юрăçсен выступленийĕсем чаплă та асра юлмалла пулчĕç.

Сăнÿкерчĕкĕ: Сергей ИВАНОВ.