Мĕнпур ăшă сăмахсем — Çуркунне-хĕрарăма

Ял клубĕнчи коллектив ертÿçи Алена Еремеева каласа панă тăрăх, Мартăн 8-мĕшĕнче «Çуркунне ятлă хĕрарăм» конкурспа концерт программи чаплă пулнă. Арçын ачасем илемлĕ сăвăсем вуланă. Владимир Григорьев «Кăвак çеçпĕл» юрăпа кăмăл-туйама çĕкленĕ. Программăна курма килнисем те хаваспах хутшăннă. «Мелевĕс çăлтăрĕсем» ача-пăча коллективĕ ташăсемпе, «Чашлама» ансамбль юрăсемпе савăнтарнă. Марина Николаева чапла ентеше — А.И.Матвеева-Нухрата чысласа сăвăсем вуланă.

Мероприяти вăйă-кулăпа, ташă-юрăпа вĕçленнĕ.

Галина ВАРИКОВА çырса илнĕ.

Сăнÿкерчĕкĕ: Алена ЕРЕМЕЕВА.