Картинăсем юсанса таврăнĕç

— Паллах, курав чи малтан — Мускав çыннисем, тĕп хула хăнисем валли, — каласа парать ЧР Министрсен Кабинечĕн Председателĕн заместителĕ Алла Салаева. — Унта чăваш художникĕсен, тĕнче шайĕнчи ÿнерçĕсен республикăри фондсенче упранакан 76 ĕçне тăратнă. Анчах çакăн пысăк пĕлтерĕшне нумай картинăна реставрациленинче куратăп — Третьяков галерейинчи курав валли 50 картинăна реставрациленĕ. Калăпăр, Левитанăн «Одуванчики» картини. Çавăн пекех — Петров—Водкин ĕçĕ. Кураври картинăсем çĕртме уйăхĕнче республикăна таврăнĕç, Чăваш Енре пурăнакансем, пирĕн хăнасем ÿнер ĕçĕн çĕнелнĕ шедеврĕсемпе, наци пуянлăхĕ шутланаканскерсемпе, хамăр патра та паллашма пултарĕç.

Николай КОНОВАЛОВ.