Уфа студенчĕ Энджел Блю концертне Раççейрен пĕччен хутшăннă

Кирилл Мария Хызырова концертмейстерпа «Ах ты, зимушка-зима» вырăс халăх юррине юрланă.

«Тĕлĕнмелле событи пулса иртрĕ! Çакă коронавирус пандемийĕн тÿрĕ витĕмĕ пулчĕ. Тĕнчери чи чаплă сценăсем — Метрополитен, Ла Скала тата ыттисем — çинчен юрлакан Энджел Блю пĕтĕм тĕнчери студент-юрăçсем хутшăннипе онлайн-концерт йĕркелерĕ. Пирĕн пĕрремĕш курс студенчĕ Кирилл Сысоев видеоçырнине ярса панă та, асăннă концерта хутшăнма пултарчĕ!» — пĕлтернĕ искусство училищин вокал педагогĕ Эльвира Рахимкулова.

Энджел Блю соцсетьсенче проект тĕллевĕ пирки каласа панă: «COVID-19 концерт парассипе пысăк проблемăсем кăларса тăратрĕ. Çак серин тĕллевĕ классика музыкинчи çамрăк ăрăва хавхалантарасси, пулăшасси».