Паян Пушкăртстанра Наци костюмĕн кунне палăртаççĕ

Çак куна халалласа тĕрлĕ мероприятисем пулнă (программине маларах уявăн официаллă сайтĕнче пичетленĕччĕ). Пушкăрт патшалăх филармонийĕ темиçе мероприяти хатĕрленĕ.

Филармонин коллективĕ наци тумтирĕ тăхăннă ташă флешмобне хутшăнма чĕнсе каланă кĕвĕллĕ видеоролика Пушкăртстан Республикин тава тивĕçлĕ артистки, художествăлла ертÿçи Сулпан Аскарова ертсе пыракан команда хатĕрленĕ.

Паян филармони пурне те хăйсен наци костюмне тăхăнса Пушкăртстан халăх артисчĕ Артур Туктагулов çак уява чысласа ятарласа çырнă юрра итлесе хавхаланма, ташлама чĕнсе калать.

«Пирĕнпе пĕрле ташлама чĕнетпĕр, пирĕн юрăпа ташланă ташша ÿкерсе соцсеть страницине #танцуемсбашгосфилармонией хэштегпа палăртса ярăр. Чи интереслĕ видеороликсене апрелĕн 29-мĕшĕнче Пĕтĕм тĕнчери ташă кунне чысланă официаллă ушкăнра кăларатпăр. Чи нумай лайк тата комментари пухнă ролик авторне парне кĕтет», — пĕлтерет Башгосфилармони пресс-служби.

Линар Давлетбаев ертсе пыракан Пушкăртстан Республикин наци халăх инструменчĕсен оркестрĕ сюрприз хатĕрлет.

Пушкăртстан Республикин тава тивĕçлĕ артисчĕ, балетмейстер-постановщик Рамиза Мухаметшина ертсе пынипе балет артисчĕсем куракансене ташă видеоприветствипе савăнтарнă.

«Башинформ» ИА.