Пĕтĕм тĕнчери онлайн-диктанта 300 пин ытла çын çырнă

Ăна эпидимиологи лару-тăрăвне пула пуçласа онлайн форматра ирттернĕ. Диктанта 305600 çын хутшăннă.

Онлайн-диктанта Раççейри 18 регион тата 24 ют çĕршыв çынни çырнă. 39214 çын Раççей регионĕсенчи, 3395 — ют çĕршыв çыннисем. Диктанта хутшăннă чи пĕчĕк ача — 5 çулта (Баймак хули), чи аслă ÿсĕмри — 96 çулта (Ишимбай районĕ). 223000 çын хăйсен ĕçĕсене bashkdictant.ru сайтри личный кабинет урлă ярса панă.

Диктантра виçĕ шайри кăткăслăх пулнă: пушкăрт чĕлхине пуçламăш тапхăрта кăна пĕлекенсем валли уйрăм, пушкăртла лайăх калаçакан тата çыракансем валли, пушкăрт чĕлхин çурçĕр-хĕвеланăç диалекчĕпе калаçакансем валли уйрăм.

Официаллă итогсене https://bashkdictant.ru/ сайтра 30 кун тăршшĕнче вырнаçтараççĕ. Диктант-2020 хутшăннисене пурне те электрон сертификатсем ярса параççĕ.

Диктант-2020 йĕркелекенĕсем: Пушкăртстан Республикин вĕрентÿ тата наука министерстви, Пушкăрт чĕлхине упрассипе тата аталантарассипе автономлă коммерцилле мар организаци, «Пĕтĕм тĕнчери пушкăртсен курултайĕ (конгресĕ)» Пĕтĕм тĕнчери обществăлла пĕрлешÿсен пĕрлĕхĕ.

Пушкăртстан Республикин культура министерстви.