Станислав Назиров: «Пушкăртстан — тĕлĕнмелле тавралăх, кунта историллĕ фильмсем ÿкермелле»

Вăл Уфара чаплă литературовед, филологи наукисен докторĕн Ромэн Гафанович Назиров çемйинче çуралнă.

Шкулта вĕреннĕ чухнех Станислав театрпа «чирленĕ», ача чухнех Пушкăрт патшалăх университетĕнчи «Гротеск» театр-студинче вăйне тĕрĕсленĕ, унтан Уфари Вырăс патшалăх драма театрĕнче вылянă.

Театрта çулталăк ĕçленĕ хыççăн Мускаври Борис Щукин ячĕллĕ Аслă театр училищине актер факультетне вĕренме кĕнĕ. Каярахпа Мускаври Владимир Маяковский ячĕллĕ академи театрĕнче ĕçленипе пĕр вăхăтрах Станислав Раççей театр искусствин драма режиссерĕсен факультетĕнче вĕреннĕ. Малтан Смоленскри Грибоедов ячĕллĕ патшалăх драма театрĕнче режиссер пулса вăй хунă, унтан пуçласа кинорежиссер пулса «Не родись красивой» сериал ÿкернĕ.

Çавăнтанпа тĕрлĕ жанрсенче ĕçлет. Унăн фильмографинче — «Дом у последнего фонаря», «Отмена всех ограничений», «Школа для толстушек», «Теория невероятности», «Широка река», «Подстава» тата ыттисем. Унăн лентисенче Владислав Галкин, Нелли Уварова, Марина Александрова, Игорь Петренко, Анна Ардова вылянă.

Енчен те Пушкăртстанра фильм ÿкерме тивсен, Станислав шучĕпе, кунта историллĕ фильмсем ÿкермелле.

Самоизоляци вăхăтĕнче Эдуард Пари ÿкернĕ «Шулер» (тĕп рольте Антон Феоктистов), Владимир Виноградовăн «Пенсильвания» — вырăс чунлă сериалне, «Настоящий детектив» фильма, Ольга Музалёван «А у нас во дворе» сериала пăхма сĕнет.

«Башинформ» ИА.