Радий Хабиров ирхи 12 сехетрен пуçласа каçхи 24 сехетчен ĕçлеме хатĕр тата кĕнеке вулама юратать

Паян Радий Хабиров тӳрӗ линипе социаллă сетьре панă хăйĕн пурнăçне тивекен ыйтусем ҫине хуравларӗ.
Соцсетьсемпе усӑ куракансем: "Пушкӑртстан Пуҫлӑхӗн ирĕ мӗнрен пуҫланать?" - тесе ыйтнӑ».
Регион ертӳҫи ирсерен самаях йывӑр ура ҫине тӑнине палӑртрӗ:
"Манӑн ир ыйхӑран асаплӑвăраннинчен пуҫланать, хама йӗркене кĕртнинчен, кофе курки тата хӑвӑрт ӗҫе тухса каятăп. Ирсерен ҫӑмӑл тӑракансен категорине эпӗ кĕместĕп. Физиологи çапла. Ирхине маншăн йывӑр килет. Ирхи 12 сехетрен пуҫласа каҫхи 24 сехетчекн ӗҫлеме май пулнӑ пулсан — ҫакӑ мана питӗ килӗшетчӗ".
Ҫавӑн пекех Радий Хабировран вӑл пулă тытма юратать-и, кӗнекесене вулать-и тесе ыйтнӑ.
"Пулла çÿреме юратмастӑп. Кӗнекесене вӑхӑт пур чухне вулатӑп. Историе, пуринчен ытла Пӗрремӗш тӗнче вӑрҫин историне юрататӑп. Ку вӑрҫӑ, Раҫҫей империйӗ енчен паттӑрлӑх пулнӑ тесе шутлатӑп. Тата мана Хӗрес похочӗсем ҫинчен вулама питӗ килӗшет. Унта кӑсӑкли нумай".