Уфара ҫулталӑкри чи пысӑк музыка пулӑмӗ иртет

2021 ҫулхи октябрӗн 16-мӗшӗнчен пуҫласа 23-мӗшĕччен Уфара Пӗтӗм Раҫҫейри "халӑх инструменчӗсем" специальнăçпа "домра", "балалайка", "гитара" номинацисенче музыка конкурсӗ иртет.
Ҫак конкурс Раҫҫейре иртекен пысӑк професси тата авторитетлӑ ӑмӑрту шутланать, академи музыки тӗнчинче чи пысӑк пулӑм, П.И. Чайковский ячӗллӗ Пӗтӗм Тӗнчери конкурса хутшӑнни пекех.
Судья пулма тӗнчери ҫӑлтӑрсене, паллӑ музыкантсене, чӗннӗ.
"РОСКОНЦЕРТ" ФГБУК генеральнӑй директорӗАндрей Малышев каланӑ тӑрӑх, ку Раҫҫей професси музыки пӗрлӗхӗшӗн чи кӗтекен пулӑмсенчен пӗри. Конкурс ҫамрӑк музыкантсене пултарулӑхне аталантарма ҫӗнӗ хавхалану парать, ҫӗршыври инструментпа калакан шкулсен йӑли-йӗркисене пӗрлештерет, ҫавӑн пекех музыка вӗренӗвӗн малта пыракан практикине сарӑлма пулӑшать.
Кӑҫал конкурс пачах ҫӗнӗ форматпа иртет. Маларах тӗрлӗ номинаципе суйлав турӗсем "вырӑнсенче", Раҫҫей регионӗсенче ирттернĕ пулсан, халӗ кашни номинаци - I туртан пуҫласа финала ҫити, ҫӗнтерӳҫӗсене наградăламалли церемони таранччен – Мускавра, çавӑн пекех Тулӑра, Уфара тата Красноярскра иртет.
Уфара конкурс пӗрремӗш хут иртет, çакă пирӗн республикӑшӑн пысӑк чыс пулать.
Кашни номинацире ("балалайка", "домра", "гитара") 24 конкурсант хутшӑнӗ.
Конкурс октябрӗн 17-мӗшӗнче Л. Зыкина ячĕллĕ Пушкӑрт филармонийӗн Пысӑк залӗнче "Россия" патшалӑх академи халӑх ансамблӗн концерчӗпе уҫăлать.
Октябрӗн 19-мӗшӗнче унта Н. П.Осипов ячĕллĕ Оркестрăн ҫамрӑк солистсен ансамблӗн концерчӗ иртет.
Унсӑр пуҫне конкурс шайӗнче октябрӗн 20-мӗшӗнче Т. Сайфуллин ячĕллĕ Пушкӑртстан Республикинчи Патшалӑх академи хор капеллин концерчĕ пулӗ. Октябрӗн 21-мӗшӗнче "НОНИ-20!" Пушкӑртстанри халӑх инструменчӗсен Наци оркестрӗн юбилей концерчӗ иртĕ.
"МГ" информацийĕпе.