Пăслăкри "Çăлкуç" ансамбль юрăçи 80 çул тултарнă

Раиса Александровна Павлована пысӑк та хисеплӗ юбилейпе саламлаççĕ.
Раиса Александровна - "Ҫӑлкуҫ" халăх фольклор ансамбльне никӗсленинчен пуҫласах унта хутшӑнать, вăл халӑх юрӑҫи, чаплӑ артистка тата чун-чӗрипе ырӑ ҫын!
"Раиса Александровнӑна чун - чӗререн 80 ҫул тултарнӑ ятпа саламлатпӑр!
Сире ҫирӗп сывлӑх, ҫемьере ырлӑх,нумай ҫул пурӑнма тата ҫавӑн пекех савӑнӑҫлӑ та ҫамрӑк пулма сунатпӑр!" - саламлаççĕ артиста пăслăксем.
Раиса Александровна - юратнӑ амӑшӗ тата кукамӑшӗ. Хӑйĕн упӑшкипе Владимир Александровичпа вӗсем тату пурӑнаҫҫӗ, ачисемпе мӑнукӗсене пулӑшаҫҫӗ. Ҫакӑн пек çула ҫитсе те вӗсем пысӑк хуҫалӑхпа кил-ҫурт тытаҫҫӗ, хӑйсен ӗҫченлӗхӗпе ҫамрӑк ҫемьесемшӗн тӗслӗх пулса тӑраҫҫӗ.
Сăнÿкерчĕкĕсем: Пăслăкри СМФК страницинчен.

Иккĕмĕш сăнÿкерчĕк çинче сылтăмран иккĕмĕш.