"Асам" фестиваль уçăлнă

Шупашкарта Пĕтĕм чăвашсен пиллӗкӗмӗш "Асам" кинофестивалĕ уҫӑлчӗ.

Раштавӑн 1-мӗшӗнче Чӑвашкино залӗнче Пӗтӗм чӑвашсен пиллӗкӗмӗш "Асам" кинофестивалĕ уçăлчĕ. Мероприятие республикăри культурӑпа ӳнер паллă ĕçченĕсем хутшӑнчӗҫ. Чăваш наци когресĕн президенчĕ Валерий Клементьев та паллӑ пулӑмара пулчӗ. Кинофестивале йӗркелекенсем: Чӑваш республикинчи кинематографсен пӗрлешӗвӗ, "Чӑвашкино" патшалӑх учрежденийӗ тата Чӑваш наци конгресӗ. Валерий Клементьев пухӑннисене саламланӑ май чӑваш фильмӗсемпе хамӑр республикӑра кӑна мар, Раҫҫей регионӗсенче те паллашма майсем туса памаллине каларӗ, фестивале хӑйсен ӗҫӗсене тӑратнӑ кинематографистсене ӑнӑҫу сунчӗ.

ЧНК информацийĕпе.