Ситекпуçĕнче "Пирӗн пата Çӗнӗ ҫул шаккать" ҫӗнӗ ҫул бал-маскарачĕ иртнӗ

Уява Хĕл Мучипе Юрпике, пӑлансемпе юр пӗрчисем тата юмахри чылай геройсем килнӗ. Пухӑннисене Пишпÿлек ял тӑрӑхӗн пуҫлӑхӗ Александр Семенов тата Киров ячĕллĕ кооператив председателӗ Александр Тихонов ҫӗнӗ ҫул ячӗпе саламланă. Ҫав каҫ спонсорсем ҫуртсемпе кил картисене çĕнĕ çула илемлетнĕшĕн парнесем панă. Ҫамрӑк Каринӑн ӗмӗчӗ пурнӑҫланнă, вӑл Хĕл Мучи патне ҫыру ҫырнӑ та тюбинг пама ыйтнӑ.
Уяв савӑнӑҫлӑ иртнӗ.
Сăнÿкерчĕкĕсем: Ситекпуç ялĕн культура çурчĕн социаллă сетĕнчи страницинчен.