Владимир Путин Константин Хабенские юбилейпе саламланă

Раҫҫей Президенчӗ Владимир Путин январĕн 11-мӗшӗнче РФ халӑх артистне, А.П. Чехов ячĕллĕ МХТ худрукне Константин Хабенские 50 ҫул тултарнӑ ятпа саламланă.

"Сирӗн професси ҫулĕ кинематографра тата театр сцени ҫинче яр-уҫҫӑн ҫитӗнӳсемпе палăрнӑ. Эсир актер пек те, хӑвӑр пӗлекен пултарулӑх почеркӗпе пултаруллӑ режиссер пек те паларнӑ", - телеграмма текстне Кремль сайтӗнче илсе панӑ.

Ҫавӑн пекех патшалӑх пуҫлӑхӗ Хабенский ĕçне "пулӑшу кирлӗ ҫынсене ырлӑх-пурлӑх проекчӗсене пурнӑҫлама тата пулӑшу панине» палӑртнӑ.

Хабенский 50 ҫулхи юбилейне сцена ҫинче палӑртнă. «Враки, или Завещание барона Мюнхгаузена» спектакльте вӑл тӗп роль вылянă.

Пӗлтӗр Константин Хабенский Чехов ячӗллӗ МХТ художество ертӳҫи пулса тӑчӗ, театр труппинче вӑл 2003 ҫултанпа тӑрать.

Хабенский 14 ҫул хушши ыркăмăллăх фондне ертсе пырать, вӑл ачасене пуҫ мимин тата ҫурӑм мимин чирӗсемпе кĕрешме пулӑшать.

Константин Хабенский — Раççей театрĕпе кино актерĕ, кинорежиссер, сценарист. Вăл «Убойная сила», «Ночной дозор», «Дневной дозор», «Адмиралъ» тата «Географ глобус пропил» фильмсенче ÿкерĕннĕ. Хабенский пĕтĕмпе 100 ытла картинăра ÿкерĕннĕ, 2018 çулта «Собибор» драмăпа режиссер пулса дебют тунă.

«Известия» информацийĕпе.

  Сăнÿкерчĕкĕ: ИЗВЕСТИЯ/Алексей Майшев