"Хӗрарӑм, эсĕ патшаран та чаплă"

Ситекпуçĕнчи культура çуртӗнче Пӗтӗм тӗнчери хӗрарӑмсен кунӗ умӗн уяв программи иртнӗ.
Вӑйлӑ представительсен ятĕнчен хĕрарăмсене Пишпӳлек ял совет пуҫлӑхӗ А.А. Семенов тата Киров ячӗллӗ кооператив председателӗ А.М. Тихонов саламланă.
"Берегиня " вокал ушкӑнĕ тата "Лайӑх кӑмӑл" физкультурӑпа сывлӑха ҫирӗплетекен пӗрлешӗве хутшӑнакансем юрӑсем шӑрантарнă.
Культура çурчӗн фойинче ял алăстисен тата тутлӑ кукӑльсен куравӗ иртнĕ. Светлана Шафетовна Федорова пĕçернĕ "Калина красная" кукӑль 1-мӗш вырӑн йышӑннă.Унта хутшӑнакансене Киров ячӗллӗ кооператив лайӑх парнесем панă.
Сывлӑх, ӑнӑҫу, юрату, оптимизм, савнӑ хӗрарӑмсем!
Сăнÿкерчĕкĕсем: Ситекпуçĕнчи культура çурчĕн социаллă сетьри страницинчен.