"Раҫҫейре Поэт поэтран та ытларах..."

Лирика ҫинчен калаҫасси яланах кӑткӑс, вӑл хӑйпе калаҫакан ҫынна уйрӑммӑнах кӑмӑллать, тӗнче ҫине поэзилле пӑхма хушать. ХХ ӗмӗрӗн иккӗмӗш ҫуррине лирикӑна чӗнсе калани уйрӑмах кӑткӑс. Мӗншӗн тесен ку ӗмӗрӗн 60-80 ҫулӗсенче пулнӑ. Белебейри механизаципе электрификаци колледжӗн Пишпÿлекри филиалӗнче "утмӑлмӗш çулхи" поэтсемпе паллашасси иртнĕ. Кунта вулав конференцийӗ "Утмӑлмӗш çулхи поэтсем: Евгений Евтушенко, Андрей Вознесенский, Роберт Рождественский" иртнӗ, унта районти тӗп тата ача-пӑча библиотекин ӗҫченӗсем, студентсемпе вӗренӳ учрежденийӗн преподавателӗсем хутшӑннă. Ӗҫре поэтсем хӑйсем хутшӑннӑ видеоматериалсемпе усӑ курнӑ, сӑввисене художествӑлла вуланӑ, паллӑ авторсен сăввисемпе çырнă юрăсене аса илнĕ: Е.Евтушенкăн "Хотят ли русские войны", Рождественскин "Реквием" . А. Вознесенскин сӑввипе çырнă "Юнона и Авось" рок-оперӑн сыпӑкне пӑхнă. Мероприятин эпиграфĕ Е. Евтушенкăн "Раҫҫейре Поэт поэтран та ытларах..." сăввин сыпăкĕ пулса тăнă.
Сăнÿкерчĕкĕсем: Пишпÿлекри тӗп библиотекăн социаллă сетьри страницинчен.