Пушкӑртстанра "АпиМир" пыл форумӗн умӗн курав уҫӑлӗ

Августӑн 18-мӗшӗнче Пушкӑртстанри Наци музейӗнче пӗтӗм тӗнчери "АпиМир" пыл форумне халалласа "Пылпа тулнӑ çӗр" курав уҫӗҫ. Ку форум Пӗтӗм Раҫҫейри тата туслӑ ҫӗршывсенчен хурт-хăмăрçăсене пухать, 2023 ҫулхи сентябрьте иртĕ.
ПР Культура министерствин пресс-службинче пӗлтернӗ тӑрӑх, выставкӑра ПР Наци музейӗн, Иглин таврапӗлӳ музейӗн фончӗсенчен тата мастерсемпе хурт-хӑмӑр ӑстисен уйрӑм коллекцийӗсенчен Пушкӑрт наукӑпа тӗпчев центрӗн пыл хурчӗсемпе апитерапи енӗпе ӗҫлекен продукцине тӑратӗҫ. Ҫавӑн пекех выставкӑра XVIII - XX ӗмӗр пуҫламӑшӗнчи хурт-хӑмӑр ӗрчетесси ҫинчен ҫырнӑ кӗнекесене, тӗрлӗ пыл тӗсӗсене, хурт-хӑмӑр ӗрчетекен авалхи оборудованине, çавӑн пекех Константин Трегубов художникӗн хӑйне евӗрлӗ ӳкерчӗкӗсене, раритетлӑ сувенирсене тата Ришат Галеевӑн хӑй коллекцийӗнчи бортник-пушкӑртсен авалхи сӑнӳкерчӗкӗсене курма пулать.
"Пылпа тулнӑ çӗр" экспозици ӗҫӗ сентябрӗн 18-мӗшӗччен тӑсӑлӗ.
"Башинформ" информацийĕпе.