Пишпÿлекри музейре таврапĕлÿ урокӗ иртнӗ

Ача-пӑча пултарулӑх центрӗн воспитанникӗсемпе Пишпÿлек музейӗнче Раҫҫей халӑхӗсен еткерлӗхӗ çулĕ май "Пушкӑртстан еткерлӗхӗ" таврапӗлӳ урокӗ иртнӗ. Калавран ачасем пушкӑрт пылӗ, кăмăсĕ, курайĕ, гербĕ тата ялавĕ ҫинчен, ҫавӑн пекех республикӑн тӗп пуянлӑхӗ - нумай нациллӗ халӑхĕ ҫинчен пӗлнĕ. Материала тӗпченӗ май Пушкӑртстана халалланӑ "Смешарики" мультфильмӑн ҫӗнӗ эпизодне пӑхнă. Серийĕ "Мул" ятлă, унта геройсем йывăçсем çинчи тамга йӗрӗпе пыраҫҫӗ.
Сăнÿкерчĕкĕсем: Пишпÿлекри музей пӗрлешӗвӗн социаллă сетьри страницинчен.