Шкул ачисем Пуканесен театрне ҫитсе курнӑ

Пишпÿлекри 1-мĕш вăтам шкул ачисем Салават хулинчи "СветоБел" Пуканесен театрне ҫитсе курнӑ. Вӗсем ҫӗнӗ, интерактивлӑ спектакль презентациленĕ. Спектакльте чӗрӗ ҫутҫанталӑк ҫинчен, ун ҫине перекетлӗ пӑхни ҫинчен, ҫирӗп туслӑх, хӑюлӑх, ырӑ ӗҫсем туни ҫинчен, аслисене хисеплени ҫинчен, вӑйсӑртарах ҫынсене пулӑшмалли ҫинчен каласа пани ачасемшӗн питӗ усӑллӑ пулнă.
Спектакль сюжечӗ Поньо пулли ҫинчен калакан чуна пырса тивекен историпе никӗсленнӗ, ӑна Япони мультипликацийӗн классикӗ Хаяо Миядзаки каласа панӑ. Спектакль геройӗсем - пирӗн ачасемпе тантӑшсем, сценарие ӑнланма адаптациленӗ, ачасем хӑйсем мӗн курнине ҫӑмӑллӑнах каласа пама пултарнă.
Чаплӑ декорацисем, столицӑри чи лайӑх пукане тăвакан мастерсен автор пуканисем, кисрентерекен спецэффектсем тӗлӗнмелле атмосфера тӑваҫҫӗ. Куракансене ӗҫе хутшӑнни, хӑйсене чӑн-чӑн асамҫӑсем пек туйни килӗшнӗ. 1-4 класра вӗренекенсем спектакле хаваслансах пӑхнă.
Сăнÿкерчĕкĕсем: Пишпÿлекри 1-мĕш вăтам шкулăн социаллă сетьри страницинчен.