"Пушкин картти" программа шайӗнче ӑс-хакӑл вӑййи ирттернӗ

Октябрӗн 25-мӗшӗнче "Пушкин картти" программа шайӗнче Пелепейри механизаци тата электрофикаци колледжĕн Пишпÿлекри филиалӗн 32 ПКД группинче "Мӗн? Ӑҫта? Хӑҫан?" ӑс-хакӑл вӑййи ирттернӗ. Вӑйӑ пуҫланас умӗн ачасем икӗ ушкӑна пайланнă. Вӑйӑ правилисем ансат пулнӑ. Командӑсене тӑватӑ блокран: литература, экологи, наука тата логика-ыйтусем сӗннĕ. Пӗр ыйтӑва сӳтсе явма 1,5 минут панӑ. Кашни команда, пуҫ мимине штурмламалли меслетпе усӑ курса, тӗрӗс хуравсем пама тата баллсем ӗҫлесе илме тӑрӑшнă. Команда библиотекарьтен пулăшу ыйтсан, баллсен шучӗ пӗр балла чакнӑ. Блиц-турнир вӑхӑтӗнче ачасем "хура ещӗкри " ыйтусене хуравланă. Ыйтӑвӗсем тӗрлӗрен пулнӑ, анчах вӗсем пурте хутшӑнакансен пӗлӗвӗсене анлӑлатма, пӗлӳ интересӗпе ӑс-хакӑлне аталантарма пулăшнă. Командӑсем килӗшӳллӗ, йӗркеллӗ вылянă, заданисене питӗ интересленсе пурнӑҫланă. Мероприяти хаваслӑ та пӗлÿллĕ иртнӗ. Вӑйӑ пынӑ чухне ачасем тавҫӑрулӑх, шеплĕх кӑтартнă, хаваслӑхпа лайӑх кӑмӑл зарядне илнĕ.
Сăнÿкерчĕкĕсем: Пишпÿлекри ача-пӑча библиотекин социаллă сетьри страницинчен.