Пушкӑртстанра Рим Хасанов 75 ҫул тултарнине паллӑ тӑвӗҫ

Кӑҫал пушкӑрт совет композиторне, республика халӑх артистне Рим Хасанова 75 ҫул тулнă. Пушкӑртстан Пуҫлӑхӗ маэстро юбилейне уявласси ҫинчен калакан указа алӑ пуснă.
Юбилей мероприятийӗсен шайӗнче Уфари Загир Исмагилов ячĕллĕ патшалӑх искусство институтӗнче наукӑпа практика конференцийӗ иртӗ. "Родина" кинотеатрта "Всадник на золотом коне" Рим Хасанов музыкипе (Ю. Якушевпа пӗрлехи соавторствӑра) илемлӗ фильм пулӗ. Композитор юбилейне халалланӑ концертсем Башгосфилармонинче, Уфари искусство училищинче тата хулари Культура керменĕнче иртӗҫ. Унсӑр пуҫне "Зимний романс" актер юррин Рим Хасанов ячӗллӗ призшăн конкурс пулать. Благовар районӗнче, Рим Хасановӑн пӗчӗк тӑван ҫӗршывӗнче, композитор юррисене юрлакансен районти уҫӑ III фестиваль-конкурс "Сэскэлэр уяныр" иртӗ. Маэстро юбилей концертне "Башкортостан" ГКЗ Пысӑк залӗнче ирттерме палӑртнӑ.
"МГ" информацийĕпе.
Сăнÿкерчĕкĕ: "Башинформ" ИА.