Эпир хамӑр Тӑван çӗршыва – Раççее хӗрӳллӗ юрататпӑр

"Ҫамрӑк турист-таврапӗлӳҫӗсем" Ача-пăча пултарулӑх центрӗн пӗрлешӗвӗсенчен пӗри Кăрканти вăтам шкулта ӗҫлекенскер, тӑван ен историне вӗренессипе тата туризмпа ҫыхӑннӑ.
Турист ӗҫĕн уйрӑм условийӗсем хӑйсен ӗҫӗсемшӗн, дисциплинӑшăн, ҫыннӑн лайӑх енӗсемшӗн яваплӑ пулма, пӗр-пӗрне пулӑшма, юлташӗсене тимлӗ пӑхма пулӑшаҫҫӗ. Туризм сывӑ та пиҫӗхнӗ ҫынна воспитани памалли чи комплекслӑ тӗслӗх шутланать. Вӑл коллективизма, туслӑха, юлташлӑха вӗрентет, тавракурӑма анлӑлатать, ӑс-хакӑла пуянлатать, ҫутҫанталӑк илемне пӗлмелли паха май пулса тӑрать. Вӑл професси суйласа илме пулӑшать, ача организмӗ ҫине лайӑх витӗм кӳрет.
Пӗр занятинче пӗрлешӳри вӗренекенсем шкул музейĕнче пулнă, 20-мĕш ӗмӗр варринчи килти ӑпӑр-тапӑрпа паллашнӑ. Паллах ӗнтӗ, хӑвӑрт та йӗркеллӗн палатка кăрма вӗреннĕ.
Сăнÿкерчĕкĕсем: Пишпÿлекри Ача-пӑча пултарулӑх центрӗн социаллă сетьри страницинчен.