Анне кунĕ çитет-çке

Пишпÿлекри "Журавушка" ача сачӗн хатӗрленекен ушкӑнӗнче Анне кунне халалланӑ уяв мероприятийӗ иртнӗ.
Уява йыхравланӑ хӑнасем шутĕнче ачасен амӑшӗсемпе Улмуҫҫи пулнă.
Уяв хӑни Улмуҫҫи ҫитес уяв ҫинчен - Анне кунӗ ҫинчен каласа панă, амӑшӗсемпе ачасене тупмалли юмахсем туптарнă, амӑшӗсене бантиксемпе выляма чӗннӗ. Ачасем амăшĕсем валли юрӑсем, ташӑсем хатӗрленĕ, сӑвӑсем уҫӑмлӑ вуланă, анне ҫинчен калакан халапсене каласа кӑтартнă, "Аннене компотпа варени хатӗрлеме пулӑшӑпӑр" хастар эстафетӑна вылянă.
Уява хутшӑнакансене пурне те туслӑх вальсӗ пӗрлештернӗ. Уяв вӗҫĕнче чей ĕçнĕ.
Ачасем амӑшӗсене чи хаклӑ, хӑйсен аллипе тунӑ парнесем хатӗрлесе хунӑ.
Сăнÿкерчĕкĕсем: Пишпÿлекри "Журавушка" ача сачӗн социалă сетьри страницинчен.