Ситексем Çĕнĕ çула хатĕрленеççĕ

Ситекри культура çуртĕнче Çӗнӗ ҫул валли теттесем хатӗрлекен мастер-класс иртнӗ. Кӗҫӗн классенче вĕренекенсенчен пуçласа студентсем таран пурне те хутшӑнма чӗннӗ. Мастер-класс ирттерекен ертӳҫӗ Çӗнӗ ҫул ҫӑлтӑрӗсем, тӗрлӗ тӗслӗ ҫипсемпе вӗри çилĕм хатӗрленӗ.
Ачасем хаваслансах ӗҫе тытӑннă. Ҫав тери интереслӗ пулнипе вӗсем вӑхӑт ҫинчен пачах манса кайнӑ. Мастер-класс вӑхӑтӗнче ачасем ҫиппе ӗҫлеме, хӑйсен ӗҫне илемлӗ йӗркелеме, ӗҫе тирпейлӗн пурнӑҫлама тата юлташӗсене пулӑшма вӗреннӗ.
Ачасем каланӑ тӑрӑх, хӑйсен теттисене вӗсем ҫывӑх ҫыннисене уявра парнелĕç, Çӗнӗ ҫул елкине илемлетĕç, кирлӗ чухне вара сувенир ҫӑлтӑрӗсене ҫӑмӑллӑнах тума пултарĕç.
Юлташла ӑшӑ атмосфера, пӗрле ӗҫлени, пӗр-пӗрне пулӑшни тата Çӗнӗ ҫул тематики ачасене уяв ҫывхарнине туйма пулӑшнă.
#МалоСедякский СДК
#МастерКлассНовогодняяИгрушка
Сăнÿкерчĕкĕсем: Ситекри культура çурчĕн социаллă сетьри страницинчен.