Пишпÿлекри "Умка" ача садӗнче Хĕл Мучипе сывпуллашнӑ

Ҫӗнӗ ҫул каникулӗсем иртсе кайрĕç. Пишпÿлекри "Умка" ача садӗнче йӑла тӑрӑх "Хĕл Мучипе сывпуллашу" уяв иртнӗ, унта ачасем хаваслӑ юрӑсене, ташӑсене аса илнĕ, сӑвӑсем вуланă, интереслӗ вӑйӑсем вылянă...
Физкультура инструкторӗ Надежда Петровна Матвеева ачасемпе савӑнӑҫлӑ эстафетӑсем ирттернӗ, унта ачасем юр муклашки йӑваланă, Хӗл Мучин йывӑр миххине йӑтнă, Ҫӗнӗ çул салачӗ хатӗрленĕ, хоккейла вылянă тата ытти те.
Ҫак мероприяти кашни ачан чунӗнче ҫутӑ йӗр хӑварнă тата Ҫӗнӗ çул уявĕн ҫутӑ та илĕртÿллĕ вӗҫленӗвӗ пулса тӑнă.
Сăнÿкерчĕкĕсем: Пишпÿлекри "Умка" ача сачĕн социаллă сетьри страницинчен.