Пишпÿлекри Паллă мар салтак монуменчӗ патĕнче митинг пулнă

Февралӗн 23-мӗшӗнче Тӑван çӗршыв хӳтӗлевçин кунĕнче Пишпÿлекри Ҫӗнтерӳ паркӗнче Паллă мар салтак монуменчӗ патне чечек кӑшӑлӗсемпе чӗрӗ чечексем хурса митинг иртнӗ. Митинга Пишпӳлек районӗн администраци пуҫлӑхӗ Артур Зарипов, Пишпÿлек районӗнчи ҫар комиссарӗ Салават Абдуллин, организацисемпе предприятисен ертӳҫисем, районти ҫамрӑксен общество пӗрлешӗвӗсен тата шкулсен представителӗсем хутшӑннӑ. Пуху умӗн митинга хутшӑнакансем СВО зонӑна яма палӑртнӑ УАЗ автомобильсене пӑхса тухнă.
Сăнÿкерчĕкĕсем: Пишпÿлек район администрацин социаллă сетьри страницинчен.