Пăслăксем Давлеканта хăнара пулнă

Ҫак кунсенче Пăслăкри Культура çурчĕн Халӑх юррин "Тӑван юрӑ" ансамбльне хутшӑнакансем Давлекан хулинче пултарулӑх визичӗпе хӑнара пулнӑ. Илемлӗ юрӑсемпе вӗсем Давлекан районӗнчи культура работникӗсене саламланă, пирӗн районтан салам каланă. Гафури, Мияки, Чишма, Альшей, Ермекей районӗнчи ӗҫтешсемпе паллашнă. Ҫавӑн пекех авалхи халӑх инструменчӗсен уйрӑм çын музейне пырса курнă. Давлекан хулинчи чӑваш ансамблӗн ертӳҫипе Маргарита Анатольевна Петровапа ҫыхӑну тытмалли плансене палӑртнă. Ырӑ сӑмах тухса каланӑшӑн Тав ҫырӑвне тивӗҫ пулнă.
Сăнÿкерчĕкĕсем: Пăслăкри Культура çурчĕн социаллă сетьри страницинчен.