Васильевсен ҫемйин пултарулӑх мастерскойӗ

Ситекпуçĕнчи Культура çуртӗнче Васильевсен ҫемйин пултарулӑх мастерскойӗ пулнӑ. Ҫемье членӗсем пурте нумай ҫул тăршшĕ юратнӑ ĕçсемпе аппаланаҫҫӗ. Ӗҫе юратни ашшӗ-амӑшӗнчен ачисене куҫнӑ. Надежда Евгеньевна вырӑнти Культура ҫурчӗ ҫумӗнчи “Клубок" юратакансен пӗрлешӗвӗн ертӳҫи. Кашни пултарулӑхра мастер юратӑвӗпе чунӗн пӗр пайне хывать. Надежда Евгеньевна пластик пакет ҫине акрил ҫипписемпе тӗрлесе ӑсталӑх класне ирттернӗ. Ҫемье пуçĕ, Владимир Константинович, пластик джутран шӑпӑр авмалли техникӑна кӑтартнӑ. Хӗрӗ Алена Владимировна шӑрҫаллӑ пир-авӑр техникипе паллаштарнă.

Сăнÿкерчĕкĕсем: Ситекпуçĕнчи Культура çурчĕн социаллă сетьри страницинчен.