Майӑн 27-мӗшӗнче — Пӗтӗм Раҫҫейри библиотекӑсен кунӗ

Пишпÿлек районӗнчи библиотека сетӗнче тăрăшакан хисеплӗ ӗҫченсемпе ветерансем!
Професси уявӗпе — Пӗтӗм Раҫҫейри библиотекӑсен кунӗ ячӗпе чӗререн саламлатпăр!
Сирӗн ӗҫӗре хаклама май çук. Кӗнекесен илемлӗ те кӑсӑк тӗнчине кӗмелли алӑксене уҫса, эсир этемлӗхӗн литература пуянлӑхӗпе пӗлӳсене каласа паратӑр. Библиотека вара ҫынна хавхалану кӳрекен вырӑн пулса тӑрать, культурӑпа пуянлатать, пултарулӑх ӳсӗмӗн ҫӑлкуҫӗсене тупать.
Пишпÿлек районӗнчи библиотека сечӗ активлӑ аталанать. Иртнӗ вăхăтăн чи лайӑх йӑлисене упраса, ҫӗнӗ технологисене активлӑ ӗҫе кӗртеҫҫӗ, фондсем пуянланаҫҫӗ, пурлӑхпа техника никӗсӗ лайӑхланать. Ҫавна пула библиотекӑсем чӑн-чӑн культура центрӗсем пулса тӑраҫҫӗ, унта кашни ҫын хӑйшӗн интереслӗ те усӑллӑ япала тупать. Кунта та — сирӗн тава тивӗҫлӗ ӗҫӗр, хисеплӗ библиотекарьсем!
Ӗҫ ҫине эсир мӗнле пӑхнӑшӑн чӗререн тав туса сире малашне професси ҫитӗнӗвӗсем, пархатарлă вулакансем тата пултарулӑхӑн ҫӗнӗ проекчӗсем сунатпӑр! Ырлăх- сывлӑх, тӑнӑҫлӑх тата савăнăç сире!
Район Совечӗн председателӗ Ю.Г. ПАВЛОВ.
Район администраци пуҫлӑхӗ А.М. ЗАРИПОВ.