Ситекпуçсем Пӗтӗм тӗнчери халӑх пултарулӑхӗн "Чатыр тауда жыен" фестивале хутшăннă

Тутарстанри Азнакай районӗнче Тӗрӗк халӑхӗсен "Чатыр тауда жыен" Пӗтӗм тӗнчери фестивалӗ иртнӗ. Фестиваль Азнакай районӗнчи визит карточки пулса тӑракан Чатыр-Тау тӑвӗ патӗнче иртнӗ. Ку ӗнтӗ 14-мӗш ҫул тӗрӗк халӑхӗсен фольклор коллективӗсем пӗрле пухӑнни пулнă. Ситекпуçĕнчи Культура çурчĕн "Тăванлăх" чӑваш халӑх фольклор коллективӗ çав аслӑ мероприятие хастар хутшӑннӑ. Интереслӗ те усӑллӑ фестиваль халӑхсене чӑнах та пӗрлештерет. Ытти национальноҫсен представителӗсемпе ӑшшӑн хутшӑнни, Чатыр-Тау тӑвӗ ҫинче туйса илнӗ вӑйлӑ энергетика — ҫакă пурте ҫӗнӗ ҫитӗнӳсем тума вӑй кӳрет.

Фестивальте тӗрлӗ площадкӑсем : "Ачалӑх уҫланки", "Чак-чак уҫланки", "Алӗҫ уҫланки", "Туслăх çурчӗн урамӗ", декоративлӑ-прикладной искусство ӑстисен выставкисем пулнă.Пур площадкӑсем те хӑйсен пуянлӑхӗпе, илемлӗхӗпе, хӑйне евӗрлӗхӗпе хавхалантараҫҫӗ. Уяв хӑнисем наци вӑййисене, мастер-классене хутшӑннӑ, йӑлана кӗнӗ наци культурисен апачӗсене тутанса пӑхнӑ. Вӑйӑ площадкинче Ситекпуç коллективĕ ытти национальноҫсен представителӗсем хутшӑннӑ чӑваш халӑх ташшипе паллаштарнă.

"Чатыр тауда жыен" фестиваль ҫап-ҫутӑ, нумай тӗслӗ, савӑнӑҫлӑ пулса тӑнă.

Сăнÿкерчĕкĕсем: Ситекпуçĕнчи культура çурчĕн социаллă сетьри страницинче.

https://ok.ru/group/54151801667774