Пишпÿлек районӗнчи аслӑ ҫулти ҫынсем Торатау кайса курнă

Пишпÿлек районӗнчи аслӑ ҫулти ҫынсем Торатау патне кайса курнă. Ҫулҫӳрев "Башкирское долголетие" проекта пула йĕркелеме май килнӗ, ун шайӗнче пирӗн районти 45 ҫын Стерлитамак таврашне ҫитсе курнӑ. Туристсен ушкӑнне хутшӑнакансем "Торатау" геопарка ҫитсе курнӑ, шихансем ҫине улӑхнӑ, борт утарне экскурсине кайса курнă, ухӑпа пеме тата лашапа ярӑнма пултарнӑ. Ҫавӑн пекех ҫулҫӳревҫӗсем "Суфия" мечете ҫитсе курнă. Туристсем каланӑ тӑрӑх, ҫул манӑҫми пулнă.

Аса илтеретпӗр, "Башкирское долголетие" проекта хутшӑнма Пишпÿлек районӗнчи аслӑ ӑруран кашни ҫын пулма пултарать.

"Башкирское долголетие" проект ҫинчен тӗплӗнрех https://долголетие.соцтуризмрб.рф

сайтра е телефон номерӗпе: +7(34743) 2-14-49 пӗлме пулать.

Сăнÿкерчĕкĕсем: Пишпÿлек район администрацин социаллă сетьри страницинчен.

https://vk.com/officialbiz