"Кӗҫӗн Тӑван ҫӗршыв культури" проект шайӗнче ялти Культура çурчĕсене пуянлатнă

Ситекпуçĕнче пысӑк ӗҫ пулса иртнӗ - ҫӗнетнӗ Культура çурчӗн презентацийӗ. "Кӗҫӗн Тӑван ҫӗршыв культури" проект шайӗнче кунта ҫӗнӗ оборудовани туянса кăрса лартнӑ, ҫавӑн пекех пурлӑхпа техника никӗсне самаях ҫирӗплетнӗ. Мероприятие хутшӑннӑ район администрацийӗн пуҫлӑхӗ Артур Зарипов каланӑ тӑрӑх, ку районти ялсенчи культура ҫурчӗсен хушшинче лайăххисенчен пӗри. Ял ҫыннисене ҫавӑн пек пӗлтерӗшлӗ те савӑнӑҫлӑ событипе саламлама Республикӑри культура ӗҫченӗсен профсоюз председателӗ Александр Кузьменко та килнӗ, вӑл ялти культурăна патшалӑх пулăшăвĕ ӳснӗҫемӗн ӳссе пынине палӑртнӑ.
Палӑртса хӑваратпӑр, 2023 ҫулта "Кӗҫӗн Тӑван ҫӗршыв культури" проект тӑрӑх Пишпÿлек районӗнче пилĕк культура ҫуртне пулӑшу панă – Ситекпуç, Азнай, Кистенлĕ, Сухоречка тата Кунаккăл ялĕсене. Пӗтӗмӗшле сумми 5 миллион тенкӗ ытла.

Сăнÿкерчĕкĕсем: Пишпÿлек район администрацин социаллă сетьри страницинчен.
https://vk.com/officialbiz