Ҫепӗҫлӗх, витӗмлӗх, чӗре ӑшши куракансемпе артистсене пӗрлештернӗ

Анне кунӗ — чи ӑшӑ та ҫепӗҫ праҫниксенчен пӗри, уйрӑм праҫник, вӑл пире хамӑрӑн чи хаклӑ ҫынсене — аннесене — тав тума тата юратнине пĕлтерме май парать. Уяв умӗн Кистенлĕри Культура çуртĕнче пирӗн юратнӑ асаннесемпе аннесем валли "Аннерен лайӑххи тӗнчере ҫук" чаплӑ концерт иртнӗ. Канлӗх атмосфери пулнӑ, анне ҫинчен ҫырнӑ сӑвӑсемпе юрӑсем, ташӑсем, кулӑшла сценӑсем янӑранӑ. Ҫепӗҫлӗх, витӗмлӗх, чӗре ӑшши куракансемпе артистсене пӗрлештернӗ. Чи ӑшӑ саламсемпе тав сӑмахӗсем Пăслăк ял тӑрӑхӗн пуҫлӑхӗнчен Юрий Александрович Васильевран янӑранă. Уяв концертне СВОна хутшăнакансен ҫемйисене чӗннӗ. Уява хутшӑнакансем пурте ырӑ кӑмӑл-туйӑмсемпе тулнă.

Сăнÿкерчĕкĕсем: Кистенлĕри Культура çурчĕн социаллă сетьри страницинчен.

https://vk.com/club203777291