Пишпÿлекри "Умка" ача сачӗн ырӑ йӑли театр тематика эрни ирттересси пулса тӑнă.
"Умники" аслӑ ушкӑн воспитанникӗсем "Аннене итлес пулать" музыка юмахне-драматизацилесе Анне кунӗ тӗлне кӑтартнă.
Ачасем театрализациленӗ представление питӗ интересленсе хутшӑннă. Юмахри тӗп персонажсем итлемен мулкачсем пулнӑ, вӗсем, амӑшне итлемен, вӑрманта ҫухалнӑ. Амӑшне мулкачсене тупма вӑрманти тискер кайӑксем пулӑшнӑ.
Ачасем анне ҫинчен сӑвӑсем ачашшӑн вуланă, юрӑсем юрланă, хаваслӑ ташӑ кӑтартнă, музыка инструменчӗсемпе вылянă.
Театрализациленӗ спектакль пӗтсен ачасем амӑшӗсене хӑйсен аллипе тунӑ саламлӑ открыткӑсем парнеленĕ.
Сăнÿкерчĕкĕсем: Пишпÿлекри "Умка" ача сачӗн социаллă сетьри страницинчен.
https://vk.com/public217412282